За денеска МВР најави повеќе детали за вчерашното апсење на поранешниот државен правобранител Фехми Стафа, кој како што дознаваме е осомничен за земање поткуп.
Фехми Стафа беше државен правобранител на Македонија од август 2018 година до 2022 година, институција која е задолжена за правна заштита на државата и нејзините имотно-правни интереси, како и за застапување на државата во судски и други правни постапки. За време на неговиот мандат, Стафа беше вклучен во повеќе чувствителни предмети со висок јавен интерес.
Неговото име најчесто се споменуваше во јавноста во контекст на случајот „Трансмет“, односно во постапките за конфискација на имот поврзан со бизнисменот Сеад Кочан. Одлуките и правните ставови на Државното правобранителство во тој период предизвикаа реакции и критики во дел од јавноста и кај правни експерти, поради начинот на кој државата ги штитеше своите финансиски интереси.
