Само по еден час од затворањето на гласачките места, во седиштето на СДСМ настана скоро целосна тишина. Ја немаше вообичаената раздвиженост и џагор. Партијата на ниту едни избори досега немала полош резултат. Дури и пред 4 години, кога убедливо беа поразени од ВМРО-ДПМНЕ освоија повеќе општини од сега.
Сепак Венко Филипче не се чувствува одговорен за поразот и немало да поднесе оставка. Напротив, мисли дека овие резултати се поттик и дека е на прав пат да продолжи да ја зајакнува СДСМ. Тој дури најави и кадровски промени во партијата за оваа недела.
Инаку, веќе почнаа оставките во партијата. Веќе замина потпретседателката Ана Чупевска. Денес оставка даде и кандидатот за градоначалник на Ѓорче Петров и претседател на општинската организација Костадин Ацевски. Тој истовремено побара оставки и од лидерот на партијата и од целото раководство.
Следи интересен период во некогаш силниот СДСМ.
