Се ближат новогодишните празници и меѓу населението се чуствува мала опуштеност. Опуштеност нема само во партиите, таму секој ден штанцаат по десетина соопштенија и прават по 5-6 прес конференции.
Зошто немаат време за претпразнича релаксираност? Толку ли и гори под нозе на Македонија?
Ако ги читаме соопштенијата се гледа дека повеќето се меѓусебни препукувања и одговори на обвинувањата кои си ги набројуваат. Ретко има реални одговори и размена на идеи.
А всушност ако веќе сакаат да пишуваат соопштенија не е лошо поголем дел од нив да бидат полни со нови идеи и планови како да се унапреди Македонија. Тоа и треба на земјата, тоа го очекува јавноста. А за обвинувањата што си ги разменуваат, нека почне на соодветно место да се прави истраги, а не само да се соопштуваат.
