Повторно Македонија брои жртви од сообраќајна несреќа. Страшно и многу загрижувашко е ова, особено што стана скоро секојдневна појава. Најновата трагедија е дека синоќа двајца загинаа, а петмина се повредени во сообраќајната несреќа на патот Прилеп-Росоман.
Завчера среде бел ден, во центарот на Скопје загина пешак кој преминувал булевар на пешачки премин со велосипед, на него налетало возило. Ден пред тоа во друга сообраќајка во центарот на Скопје кога беше прегазена и тешко повредена една жена.
Вакви примери за жал може да се редат и деновите пред тоа. Ова мора да го вклучи алармот пред се во МВР? Ова веќе станува преопасно!
Полицијата мора да излезе со вонредни и засилени мерки. Состојбата со сообраќајната некултура кај дел од возачите е таква што треба да се прогласи еден вид на вонредна состојба и со зголемено присуство на полицијата на сообраќајниците да се воведе поголем ред.
Кризната состојба треба да си ја прогласат во главите и сите учесници во сообраќајот. Премногу има жртви и повредени и никој не треба да мисли дека трагедиите се случуваат на друго место, а тие се безбедни иако не почитуваат правила.
МОЖЕБИ ЌЕ ВЕ ИНТЕРЕСИРА: