Онлајн купувањето често е студено и безлично: фотографии, опции, коментари… и голема неизвесност. Колку пати сте се прашале дали оној фустан ќе ви стои, или дали серумот навистина ќе ви помогне? Во физичка продавница, решението е едноставно — продавачот ќе ве насочи. Во дигиталниот свет, тоа чувство често недостасува.
Токму оваа празнина ја забележа Игор Илиевски и ја претвори во идеја што денес веќе функционира во САД и Панама. Неговото решение се вика Amenexia — AI асистент за шопинг кој го враќа човечкиот допир во интернет продажбата.
Како почна сè?
Приказната на Илиевски не е типична технолошка бајка. Сè започнува во раните 2000-ти, во еден скромен подрум во Македонија, каде младиот визионер веќе тогаш размислува како да ги поврзе луѓето преку интернет. Две децении подоцна, неговата работа е препознаена и наградена во Дубаи, каде доби пристижна награда за животно дело на BURJ CEO Awards.
Но најголемиот предизвик за тимот сега е не успехот во странство, туку враќањето на таа иновација дома — во македонскиот е-commerce.
„Бариста“ што ве познава подобро од вас самите
Amenexia не е уште еден chatbot кој одговара со копирани фрази. Таа е дизајнирана да биде лична, паметна и „човечна“ — и тоа 24/7.
„Со секоја интеракција, системот учи и станува подобар, како бариста што ве познава и ве сервира точно како што сакате“, вели Илиевски.
Во практиката тоа значи:
- Помош при избор на производи (на пример, два крема за лице и која е подобра за вас)
- Консултација за технички детали (дали паметен уред ќе ви одговара во домот)
- Поддршка во процесот на купување, без потреба да чекате одговор од човек
„Онлајн продавниците не губат клиенти поради лоши производи, туку поради двоумење“, додава Илиевски. „Ние сакаме да го замениме сомнежот со доверба.“
Технологија која „чувствува“
Она што ја прави Amenexia посебна е не само што е AI, туку што се обидува да ја разбере емоцијата зад прашањето. Ако корисникот е фрустриран или збунет, системот одговара со емпатија и разбирање — како добар продавач во реална продавница.
Ова е особено важно во Македонија, каде купувачите често бараат потврда од „вистинска личност“ пред да завршат нарачка. Amenexia ја дава таа сигурност, но на модерен и автоматизиран начин.
„Технологијата треба да стане невидлива, а искуството да биде едноставно и пријатно“, заклучува Илиевски.
Добредојде дома, Amenexia
Amenexia е AI-поддржан дигитален асистент за купување развиен од компанијата Amenex. Со повеќе од 20 години искуство во eCommerce инфраструктура, Amenexia им помага на онлајн продавниците да го зголемат ангажманот, да ја подобрат конверзијата и да создадат поинтимно искуство за купувачите.
