Кочанец пријавен за демнење, се заканувал на жена со објава на интимни снимки

Полицијата поднесе кривична пријава против 26-годишен жител на Кочани поради сомнение за сторено кривично дело „демнење“, информира Министерството за внатрешни работи.

Според информациите од МВР, пријавениот К.М. во период од околу три месеци годинава следел 33-годишна жена од Кочани и ѝ упатувал закани.

Како што наведуваат од полицијата, тој ѝ се заканувал дека доколку не прифати да биде во љубовна врска со него, ќе објави експлицитни фотографии и видеа кои, според пријавата, тајно ги снимал.

Од МВР информираат дека по целосно документирање на случајот против лицето е поднесена соодветна кривична пријава до надлежното обвинителство.

Поврзани вести:

Пет танкери и реморкер горат во Ормуцкиот Теснец, тврди Иран

Ревизија во железницата: Загуби, високи провизии и камати, стара инфраструктура и потреба од реформи

Апелација го ослободи Боки 13 во предметот „Меѓународен сојуз“

Луис де ла Фуенте ја освои наградата за најдобар тренер во машки фудбал за 2026 година

Мицкоски: Да бидеме свои на своето, со корен во минатото и верба во иднината

Спектакуларна вечер во Лигата на шампионите: ПСЖ ја победи Барселона, Ливерпул направи неверојатен пресврт