Кинеската војска спроведе заедничка поморска и воздушна вежба околу спорниот гребен Скарборо во Јужното Кинеско Море. Кина го нарекува гребенот Хуангјан Дао и тврди дека има суверенитет врз него, додека право на истата територија полагаат и Филипините.
Командата на кинеската Народноослободителна армија соопшти дека операцијата била одговор на постапките на „одредени земји“, кои според Пекинг ги загрозуваат регионалниот мир и стабилност. Целта на вежбата била проверка и подобрување на борбените способности на кинеските сили.
Пекинг наведува дека активностите се насочени кон заштита на кинескиот територијален суверенитет и поморските права и интереси. Филипинските власти засега не излегоа со официјален одговор на најновата кинеска воена вежба.
