Затворите Menu (Мени)
Прва Скопска ТВ
    Facebook Instagram YouTube
    Facebook X (Твитер) Instagram
    Прва Скопска ТВ
    • Почетна
    • Вести
      • Политика
      • Економија
      • Република
      • Избори 2025
    • Свет
    • Скопје
    • Хроника
    • Култура
    • Спорт
    • Колумни
    • Магазин
      • Музика
      • Живот и Стил
      • Љубов и Секс
      • Занимливости
      • Технологија
      • Храна и Пијалоци
      • Хороскоп
    • Од телевизија
      • Инфоскоп
      • Блиц
      • Времеплов
      • Сте слушнале ли?
      • 5 минути здравје
    • Интервју
      • Директно со
    ГЛЕДАЈ ВО ЖИВО
    Прва Скопска ТВ
    Дома»Култура»Годишнина од смртта на Михајло Пупин – научникот што ја изгради камбанаријата на „Света Богородица Перивлепта“ во Охрид
    Култура

    Годишнина од смртта на Михајло Пупин – научникот што ја изгради камбанаријата на „Света Богородица Перивлепта“ во Охрид

    12/03/20263 Минути Читање
    Сподели
    Facebook Твитер Telegram WhatsApp

    На денешен ден во 1935 година, во Њујорк почина светски познатиот научник Михајло Пупин, еден од великаните на физиката и електротехниката, кој остави длабока трага во развојот на телекомуникациите, радиотехниката и радиологијата.

    Пупин бил професор по физика и математика на Универзитетот Колумбија во САД, каде дал значаен придонес во областа на електротехниката. Тој го пронашол системот на повеќекратна фотографија и ги открил секундарните рендгенски зраци, но најголем придонес за човештвото дал со решението на проблемот на телеграфски и телефонски пренос на далечина.

    Студирал математика и теориска физика во Кембриџ, а потоа продолжил во Берлин, каде соработувал со Херман фон Хелмхолц. Под негово менторство докторирал со труд на тема „Осмотскиот притисок и неговиот однос кон слободната енергија“.

    Во 1889 година се вратил во Њујорк и станал професор по математичка физика и управник на Електротехничкиот институт на Колумбија. Во текот на својата кариера добил 18 почесни докторати и бил член на повеќе академии на науки, меѓу кои и претседател на Академијата на науките во Њујорк. За автобиографијата „Од имигрант до пронаоѓач“ ја добил Пулицеровата награда во 1924 година.

    Поврзаноста со Македонија

    Според потомците на родот Пупин, семејството има македонски корени и се доселило во Вевчани од Москополе, каде живееле православни македонски и влашки родови. Самиот Пупин често нагласувал дека неговите родители потекнуваат од охридската околија, од западната страна на Охридското Езеро.

    Пупин не ја заборавил татковината на своите предци. Во 1914 година формирал фондација „Олимпија Пупин“, преку која помагал сиромашни деца од тогашна Македонија, меѓу кои имало и ученици од Охрид.

    Тој помогнал и во изградбата на училиштето во стариот дел на Охрид, каде денес е сместена музејската администрација. Особено значајна е неговата донација за изградбата на камбанаријата на црквата „Света Богородица Перивлепта“ („Стар Свети Климент“), за која го донирал тогаш најголемото ѕвоно на Балканот, излиено во Љубљана. Подарил и уште едно ѕвоно, кое и денес постои во Битолско, под Кајмакчалан, во чест на загинатите Македонци на Солунскиот фронт.

    Меѓународен углед и признанија

    Пупин бил близок со американскиот претседател Вудро Вилсон и активно се залагал за заштита на правата на малите народи. На Париската мировна конференција се залагал Македонија да добие автономија.

    Бил член на повеќе академии на науки и уметности во светот, како и член на Српската академија на науките и уметностите. МАНУ и САНУ заеднички го афирмираат неговото дело, а во Вевчани во 2008 година е отворена Спомен-соба во негова чест. Со својата научна генијалност и хуманитарна дејност, Михајло Пупин останува една од најзначајните личности од светската научна историја со силна врска со македонскиот културен простор.

    Поврзани вести:

    Глобална женска лидерска конференција „Јас сум жена“ утре во Скопје

    Глобална женска лидерска конференција „Јас сум жена“ утре во Скопје

    „Набуко“ од Верди на 30 октомври на сцената на Националната опера и балет

    „Набуко“ од Верди на 30 октомври на сцената на Националната опера и балет

    Весна Димитровска прогласена за најдобра актерка на меѓународен фестивал во Италија

    Весна Димитровска прогласена за најдобра актерка на меѓународен фестивал во Италија

    Вечерва во Битола се затвора јубилејното 35. издание на „Интерфест“

    Вечерва во Битола се затвора јубилејното 35. издание на „Интерфест“

    Билјана С. Црвенковска гостува на „Денови на македонската поезија“ во Гетеборг

    Билјана С. Црвенковска гостува на „Денови на македонската поезија“ во Гетеборг

    Отворено 47. издание на Фестивалот „Браќа Манаки“

    Отворено 47. издание на Фестивалот „Браќа Манаки“

    МОЖЕБИ ЌЕ ВЕ ИНТЕРЕСИРА:
    електротехника научник охрид физика
    Следете на Facebook Следете на Instagram Следете на YouTube
    Споделување. Facebook Твитер Линктин

    ПОВРЗАНИ ПОСТОВИ

    Апел до родителите и јавноста: Препознајте ја опасноста од групата „764“ – заштитете ги децата

    20/11/2026

    Серафимовски денеска ќе ги соопшти мерките за проблемот со кравите во Крива Паланка

    20/11/2026

    Времето драстично се менува: Денес до 22 степени, потоа следува нагло заладување

    20/11/2026
    Додади Коментар
    Остави Одговори Откажи Одговор



    НАЈНОВИ ВЕСТИ
    Прва Скопска ТВ
    Facebook Instagram YouTube
    • За нас
    • Импресум
    • Контакт
    • Програмска шема
    © 2026 Konzoto. Сите авторски права се задржани. Веб-дизајн и развој: Виктор Аврамов.

    Тип погоре и притиснете Enter search. Притиснете Esc да ја откажете.