Според најновите информации од веб страницата на Државната изборна комисија до 15 часот на гласење на територијата на цела Македонија, излегле 27,19 отсто од избирачите, што е за околу 4 проценти помалку од првиот круг. Најголем одзив има во Крушево, Пробиштип и Росоман каде што гласале околу 50 % од запишаните во избирачкиот список. Најслаб е одзивот во скопските општини Сарај со 6 отсто и Чаир со 9 %.
Денеска до 19 часот 1.013.375 гласачи ќе избираат градоначалници во 32 општини и во Градот Скопје.
Во вториот изборен круг за градоначалник се гласа во Градот Скопје и во општините Аеродром, Боговиње, Брвеница, Валандово, Виница, Дебар, Дебарца, Демир Капија, Карпош, Кичево, Конче, Кочани, Крушево, Куманово, Лозово, Македонска Каменица, Македонски Брод, Могила, Неготино, Пробиштип, Ранковце, Росоман, Струга, Студеничани, Тетово, Центар, Чешиново Облешево, Чучер Сандево, Шуто Оризари, Долнени, Дојран и Зрновци.
Резултатите од гласањето на изборите се очекуваат во текот на вечерта, а се очекува последната прес-конфренција ДИК да ја одржи околу 23 часот.
Во вториот круг се гласа за двајцата кандидати кои во првиот круг добиле најмногу гласови, а за градоначалник е избран кандидатот кој добил поголем број гласови.
МОЖЕБИ ЌЕ ВЕ ИНТЕРЕСИРА: