Водата од скопскиот водоснабдителен систем е безбедна за пиење, покажале најновите лабораториски анализи на Јавното претпријатие „Водовод и канализација“ – Скопје.
Од претпријатието информираат дека денеска екипите на секторот Санитарна контрола извршиле земање примероци од повеќе точки низ градот. Вкупно биле анализирани 44 примероци од водоводната мрежа, меѓу кои и еден примерок од бунарскиот потег Нерези.
Резултатите од испитувањата покажале дека сите примероци ги исполнуваат пропишаните критериуми за безбедност и квалитет на водата за пиење, согласно Правилникот за барања за безбедност и квалитет на водата за пиење.
Од ЈП „Водовод и канализација“ – Скопје посочуваат дека санитарната контрола продолжува да се спроведува редовно со цел следење на квалитетот на водата што ја користат граѓаните.
