Премиерот Христијан Мицкоски информираше дека денеска се одржал состанок посветен на Реформската агенда, на кој биле разгледани тековните активности, приоритетите и динамиката на спроведување на предвидените реформи.
Во објава на Фејсбук, Мицкоски посочи дека во фокусот на состанокот биле клучните реформски процеси и нивната реализација.
„Денеска се одржа состанок посветен на Реформската агенда, на кој во фокусот беа тековните активности, приоритетите и динамиката на спроведување на предвидените реформи“, напиша премиерот.
Тој нагласи дека успешното спроведување на реформите бара координиран институционален пристап, јасно дефинирани цели и конкретни активности за унапредување на работата на институциите.
Според Мицкоски, Владата останува посветена на реформите кои се од суштинско значење за економскиот развој, владеењето на правото, зголемувањето на ефикасноста на институциите и подобрувањето на животниот стандард на граѓаните.
