Ѓорѓиевски ги собра на кафе своите партиски колеги – кандидати за скопските општини

Со порака на заедништво и решителност, Орце Ѓорѓиевски, кандидатот на ВМРО-ДПМНЕ за градоначалник на Скопје ги собра на кафе своите партиски колеги – кандидати за скопските општини.
„Скопје нѐ чека! Го чека обнова. Го чека напорна работа, одлучност и луѓе кои нема да се штедат за неговата иднина,“ истакна Ѓорѓиевски во објава на социјалните мрежи, нагласувајќи дека дојдено е времето да му се врати достоинството на главниот град.
„Ние сме подготвени – да го водиме Скопје со чест, со љубов, исправени и со чист образ,“ додаде тој.