Новите измени на Законот за јавните набавки усвоени денеска во Собранието предвидуваат решенија за модернизација на системот на јавни набавки, зголемување на транспарентноста и конкуренцијата, како и поефикасно и поодговорно користење на јавните средства – информира Министерството за финансии.
Според Финансии еден од клучните сегменти е унапредувањето на Електронскиот пазар на набавки од мала вредност, за поголема конкуренција меѓу економските оператори, а се воведува задолжителна примена на критериумот „најдобар сооднос помеѓу цена и квалитет“, со што при изборот на најповолната понуда, покрај цената, ќе се земаат предвид и квалитетот и долгорочната оправданост
Усвоените законски измени, потенцираат од Министерството, претставуваат дел од пошироките реформски активности за модернизација на системот на јавни набавки и негово усогласување со европските стандарди.
