Во 11 казнено – поправни установи во Македонија во кои Народниот правобранител спровел истражување нотиран е недостиг од медицински персонал, долго чекање за специјалистички прегледи, прекини во терапијата и слабата превентивна здравствена заштита.
Според наодите, пренатрупаност е утврдена во седум од 11 установи, а во исто толку има постојан здравствен персонал. Во останатите четири, здравствената грижа се обезбедува периодично или по повик. Ниту една од посетените установи нема 24-часовно присуство на здравствени работници.
Во затворот „Идризово“, според извештајот, еден лекар се грижи за приближно 691 лице, додека една медицинска сестра или техничар опслужува околу 461 лице, наспроти стандардите од 300 лица кај едне лекар. Народниот правобранител оценува дека, иако правото на здравствена заштита е формално признаено, неговата практична достапност и континуитет остануваат нерамномерни.
