Александар Вучиќ поднесе оставка од функцијата претседател на Србија, со што предвреме го заврши својот втор и последен претседателски мандат.
Тој изјави дека се повлекува за во кампањата за предвремените парламентарни избори на 25 октомври да учествува како обичен граѓанин.
Претседателските овластувања ги презема претседателката на Народното собрание Ана Брнабиќ, која може да ја извршува функцијата најмногу три месеци. Србија сега оди и на предвремени претседателски избори, чиј прв круг треба да се одржи најдоцна до 27 декември.
Пред оставката Вучиќ соопшти дека донел одлука за аболиција и помилување на 49 лица, од кои 23 ги поврза со настаните и протестите во Србија во изминатиот период.
Меѓу помилуваните, според Вучиќ, се и 12 лица од таканаречената „Новосадска група“, и покрај спротивното мислење на безбедносните служби.
Вучиќ најави дека од денеска ќе ја обиколува Србија и ќе учествува во кампањата пред парламентарните избори. Во своето последно обраќање како претседател тој ги истакна економските резултати од периодот на неговото владеење и порача дека идната власт треба да ги зачува мирот,
стабилноста и националните интереси на Србија.
