16-годишно момче од село Мородвис се здобило со тешки телесни повреди во сообраќајна несреќа што се случила на регионалниот пат во атар на селото, општина Зрновци.
Според информациите од Министерството за внатрешни работи, несреќата била пријавена вчера во 12:00 часот во ОВР Кочани, а во неа учествувале патничко возило „алфа ромео“ со кочански регистарски ознаки, управувано од малолетникот, и товарно возило „форд“, управувано од 54-годишниот Д.В. од Мородвис.
Во судирот тешко бил повреден малолетниот возач, додека возачот на товарното возило се здобил со телесни повреди. Повредите биле констатирани во Јавната здравствена установа во Кочани.
На местото на несреќата увид извршила увидна екипа од ОВР Кочани, а надлежните продолжуваат со утврдување на причините и околностите под кои се случила сообраќајката.
