Семејно насилство во Велес: Уапсен 71-годишен маж

Полициски службеници од СВР Велес рано утринава лишиле од слобода 71-годишен велешанец, откако бил пријавен за закани и навреди кон неговата сопруга.

Според информациите од полицијата, на 21 септември околу 01:10 часот бил приведен П.К. (71) од Велес, постапувајќи по претходно добиена пријава дека во семејниот дом ѝ се заканувал и ја навредувал својата 63-годишна сопруга.

Осомничениот е задржан во полициска станица, за случајот е известен јавен обвинител, а по неговото целосно документирање против него ќе биде поднесена соодветна пријава.