Општина Илинден успешно ја спроведе првата акција за ларвицидна дезинсекција со која се обезбедува навремена превенција и заштита на јавното здравје, особено во периодот на зголемена активност на комарците.
Од Општината соопштија дека согласно елаборатот за превентивна дезинсекција, извршено е третирање на водните површини со цел уништување на ларвите од комарци и намалување на ризикот од појава на вектор-преносливи заболувања.
Со акцијата беа опфатени сите водни површини на отворените одводни канали: главни, секундарни и терцијални, како и речното корито на Сува Река и вештачката акумулација во Бучинци, при што е третирана вкупна површина од 50 хектари, со еколошко средство кое е безбедно за здравјето на граѓаните и е одобрено од надлежните институции.
