На сцената на Македонскиот народен театар, вечерва во 20 часот ќе биде изведена словенечката монодрама „Безгрешна“, во изведба на Драмата при Словенечкото народно гледалиште од Марибор (СНГ).
Станува збор за сценско остварување инспирирано од романот „Маријиниот завет“ на Колм Тојбин, создадено како омаж на големиот и прерано починат режисер Томаж Пандур.
МНТ ја одбележува 81-годишнината од првата претстава на македонски јазик со програма од претстави и гостувања на домашни и странски театри, која започнува со симболичен мотив од претставата „Сонцето, колку е блиску сонцето“ од македонскиот режисер Дејан Пројковски.
Монодрамата „Безгрешна“ е наградувана претстава на СНГ Марибор и е дел од јубилејната програма.
Јубилејната програма продолжува со повеќе сценски изведби како дел од одбележувањето на значајниот театарски јубилеј.
