Филмот е наменет за најмладата публика и има цел на едноставен и разбирлив начин да ја истакне важноста на дигиталната писменост, како и безбедното и одговорно користење на интернетот.
„Во време кога децата сè порано стануваат дел од дигиталниот свет, наша обврска е да обезбедиме средина во која технологијата ќе биде алатка за учење и развој, а не извор на ризици“, изјави Ѓорѓиевски.
Тој нагласи дека ваквите иницијативи се важни за зајакнување на соработката меѓу институциите, училиштата и родителите, со цел создавање побезбеден онлајн простор за децата.
Анимираниот филм ќе биде достапен за прикажување во училиштата низ земјата, а можност за негово емитување ќе имаат и телевизиите, со што пораката за дигитална безбедност ќе допре до пошироката јавност.
Од институциите истакнуваат дека проектот претставува дел од пошироките напори за унапредување на дигиталната писменост и заштитата на младите корисници на интернет.
