Цените на кириите во Скопје се вивнуваат до небо. Исто како и цените на становите. До кога ќе се вивнуваат останува нејасно, засега е јасно само дека од скопските општини највисока просечна кирија се плаќа во Центар 369 Евра. Најниска е во Бутел – 56,6 евра.
Наемнината во просек месечно во Карпош изнесувала 363 евра, во Аеродром 318, во Ѓорче Петров 271, а во Гази Баба 256 евра.
Општина Центар предничи пред другите општини и по бројот на стамбени единици кои се рентаат – вкупно 502. Во оваа општина била исплатен и највисокиот износ на кирија за една станбена единица – 3741 евро.
Друго нејасно е и тоа дали сите станови кои се издаваат се пријавени и се плаќаат данок за тоа. Инаку, општо познато е дека илјадници станови во Скопје се празни, односно никој во нив официјално не живее.
