Скопје ќе добие 100 нови и еколошки автобуси за подобар јавен превоз

Обновување на возниот парк во ЈСП е одамна потребна работа. Како што известува градоначалникот Орце Ѓорѓиевски со одлука на Владата на Република Македонија, Скопје ќе добие 100 нови, современи и еколошки градски автобуси.

-На Град Скопје ќе му бидат доделени 100 автобуси и 50 полначи. Тоа значи безбеден, навремен и достоинствен јавен превоз, но и силен удар во корист на заштита на здравата животна средина и чистиот воздух, наш приоритет што го должиме на нашите деца и идните генерации, истакна градоначалникот

Оваа одлука, како што е посочено, е дел од стратешкиот договор влада со влада помеѓу нашата и владата на Унгарија, што овозможува набавка по исклучително поволни услови.