Повеќето од скопските општини ги изгласа буџетите за следната година. Речиси сите градоначалници се пофалија дека предвиделе рекордно високи буџети, и со голем процент од средствата одвоени за капитални инвестиции.
Ќе се градeле улици, училишта, поликлиники, детски градинки, спортски објекти… се со цел живеењето на граѓаните да биде подобро.
Па така општина Аеродром се пофали со буџет од речиси 21,5 милиона евра, од кои за капитални инвестиции ќе се потрошат 14,5 милиони евра.
Малку е потенок буџетот на општина Центар и изнесува околу 20 милиони евра, од кои 43 отсто ќе бидат потрошени за инфраструктурни инвестиции.
Буџетот на Карпош за 2026 година ќе изнесува 21,5 милиони евра, а 36 отсто од средствата ќе бидат наменети за капитални инвестиции.
Со буџет од над 23 милиони евра ќе располага Ѓорче Петров, а за инфраструктурата ќе се вложат речиси 60 отсто од овие сретства.
И Бутел се пофали со највисок буџет до сега и ќе изнесува скоро 14 милиони евра. 63 отсто од овие средства ќе се насочат кон капитални инвестиции.
Останува да се види во 2026 година реализацијата на ветеното.
