Општина Центар ја урна нелегалната доградба кај ресторанот „Мечка“ во Дебар Маало, како дел од акцијата за отстранување дивоградби. Објектот го блокираше тротоарот, дел од коловозот и пешачкиот простор.
Градоначалникот Горан Герасимовски истакна дека општината нема да дозволи узурпирање на јавен простор и дека за секој нерегуларен објект ќе биде издадено решение за отстранување.
По повеќе опомени и непостапување од страна на сопствениците, механизацијата и инспекциските служби ја отстранија конструкцијата што го попречуваше движењето на пешаците и сообраќајот. Жителите на Дебар Маало ја поздравија акцијата.
Општина Центар спроведува широка акција за воспоставување ред на јавните површини, со засилени контроли и расчистување на нелегални објекти, со цел заштита на јавниот интерес.
