Најкасно за 6 месеци скопски градски воз ќе вози по првата рута од Зелениково до Аеродром

Скопје најкасно за 6 месеци од денес ќе добие и градски воз. Неговата прва рута ќе биде од Зелениково, преку Драчево, Лисиче и во Аеродром ќе завршува кај Железничка станица. Патувањето сосе застанувањата ќе трае околу 25 минути, а на трасата ќе има седум станици.
Директорот на „Македонски железници – инфраструктура”, Синиша Ивановски, информираше дека веќе направиле и тестирање за брзината на градскиот воз.
Министерот за транспорт, Александар Николоски, на чија иницијатива се прави градскиот воз, очекува набрзо да почнат да се градат и другите две траси за градскиот воз, од кои едната е од Волково преку Ѓорче и Скопје Север до Аеродром, а третата траса, е од Миладиновци до Илинден, од каде што веќе ќе има поврзување со главната железничка станица во
Скопје.
Денеска увид во работите изврши премиерот Христијан Мицкоски при што истакна дека воведувањето на железницата како дел од јавниот превоз, а и почетокот на БРТ системот претставуваат клучен чекор кон модерно и еколошко Скопје.