Дополнителни 60 автобуси од утре по улиците на Скопје за нормализирање на јавниот превоз

Ќе се надополнува возниот парк кој го врши јавниот соображај во Скопје. Новиот скопски градоначалник Орце Ѓорѓиевски кажа дека веќе разговарал со дел од стручните служби на ЈСП и се преземаат итни чекори во насока на адаптирање на сите оние автобуси кои со месеци стојат неисправни.
Воедно веќе од утре од приватните превозници дополнителни 60-тина автобуси ќе бидат пуштени во оптек.
Се очекува ова во првиот момент барем малку да го нормализира транспортот низ Скопје.