Силно одекна големата победа на ВМРО-ДПМНЕ на локалните избори. Но синоќа уште посилно одекна изборот на кичевчани. Во тој град од Западна Македонија почнаа процеси кои одамна се очекуваа и посакуваа во земјава. Кичево разбуди позитивни ветрови, за нов дух и надеж за подобар меѓуетнички соживот и меѓусебно почитување.
Имено, победи кандидатот на ВМРО-ДПМНЕ Александар Јовановски пред Фатмир Дехари од ДУИ кој заедно со својата партија долго форсираше етноцентризам.
Овој пат Кичево одбра мудро, одбра заедништво, пред етничките поделби за што беше потребно да гласаат и Македонците и Албанците кои се доминантни во општината. Џабе беа организираните еднонационални авионски летови за да донесат гласачи кои ова ќе го спречат.
За постигнување на оваа добра работа, значаен е добриот избор на кандидатот кој го направи партијата на Мицкоски, но и целосното залагање за време на кампањата на ВМРО-ДПМНЕ давајки пример за меѓуетничка соработка и пример како може да се постигне толку посакуваното мегунационално заедништво за доброто на сите во државата.
Сега на потег е градоначалникот Јовановски со дела да го засили веќе започнатиот позитивен ветар. Не случајно токму таму Мицковски и ја славеше победата на локалните избори во Македонија.
