Дел од македонските граѓани лесно паѓаат на измами. Ова е заклучок до кој се доаѓа ако се погледнат дневните полициски извештаи. Скоро да нема недела, а некогаш и почесто, некој да не е измамен од криминалци.
Најнова финта на измамниците е да продаваат на невнимателни лица сателитски снимки од кои се гледало дека има закопано злато баш во нивните дворови. И успеале да убедат неколкумина да им дадат по 6.000 евра за таквите снимки, а потоа ни снимките, ни парите, ни златото го виделе.
Почеста и веќе подолго време низ Македонија трае и измамата кога криминалците се јавуваат на постари лица и ги ставаат во заблуда дека нивните деца направиле тешки сообраќајни несреќи, ама ете тие ќе ги спасат од затвор ако им дадат пари. Многумина наседнале.
Некој друг измамник пак се преставувал како брокер и ветувал на луѓе осигурителни полиси за кои им наплаќал, но осигурурувањето никогаш не го добиле.
Неодамна преку социјалните мрежи граѓани се жалеа дека биле наседнати во пирамирални шеми со купување на некакви си облаци.
Полни се полициските извештаи со вакви работи. МВР уверува дека се труди да ги расчистува овие измами, но секако и самите граѓани треба да отворат „четири” очи.
МОЖЕБИ ЌЕ ВЕ ИНТЕРЕСИРА:
