Вкупно 8 лица се уапсени во денешната акција на Финансиската полиција за криминал со наместен тендер во РЕК Битола, дознава Прва Скопска ТВ од извори во истрагата.
Покрај уапсениот, сопственикот на „Марковски Компани“, Борче Марковски, за чие приведување веќе објавивме, инспекторите привеле и уште еден вработен во оваа приватна фирма, но и уште 6 поранешни директори во РЕК Битола.
Како што веќе објавивме тие се сомничат за наместен тендер преку кој се испумпани околу 100.000.000 денари од државниот буџет.
Да потсетиме, низ медиумите порано оваа компанија беше посочувана за една од најблиските на минатата влада на СДСМ.
Тогаш беше споменувано дека таа фирма заработува по минимум 60 илјади евра на ден за ангажирани само 10 булдожери во РЕК Битола, затоа што најголемиот производител на струја во Македонија плаќал по 16.000 денари за час работа или за еден ден десетте булдожери ја чинеле државната компанија над 60.000 евра.
Според информациите кои ги добивме, Компанијата Марковски од разни договори со РЕК Битола за две години заработила 200 милиони евра од државата.
МОЖЕБИ ЌЕ ВЕ ИНТЕРЕСИРА: