Денеска во Виница ќе се одржи 43-от „Марш на ангелите“, посветен на 63-те згаснати животи и трагедијата што остави длабока болка кај многу семејства.
Организаторите најавија дека маршот ќе започне во 17:05 часот, симболично потсетувајќи на прекинатите животи, неостварените соништа и празнината што останала зад жртвите.
Во објавата на Здружението „16-ти Март“ се наведува дека маршот е повик за правда и одговорност, но и потсетник дека ваква трагедија не смее да биде заборавена.
„Ќе маршираme за 63-те прекинати животи и неостварени соништа, за празните соби и семејствата што засекогаш останаа без дел од себе“, стои во пораката на здружението.
Од таму додаваат дека за трагедија со толкави последици не смее да има само симболична одговорност и дека условните казни не претставуваат правда за изгубените животи и уништените семејства.
