Володимир Зеленски потврди дека Русија и Украина постигнале договор за размена на затвореници по принципот „1.000 за 1.000“, а воедно порача дека е потребно воспоставување прекин на огнот во периодот од 9 до 11 мај.
Украинскиот претседател се огласи преку социјалната мрежа X, откако Доналд Трамп објави дека меѓу двете земји ќе има тридневно примирје.
Зеленски наведе дека во последните денови имало бројни сигнали и предупредувања поврзани со настаните во Москва и можните украински напади со долг дострел.
„Принципот на симетрија во нашите постапки е добро познат и јасно пренесен на руската страна“, напиша Зеленски.
Тој истакна дека за Украина најважното прашање останува враќањето на воените заробеници, нагласувајќи дека животите на украинските затвореници се поважни од какви било симболични настани.
„Црвениот плоштад ни е помалку важен од животите на украинските затвореници кои можат да се вратат дома“, порача украинскиот претседател.
