За првите девет месеци од годинава во Македонија од патарини се собрале дури 58,7 милиони евра. Наплатните станици по патиштата делуваат добро опремени за да ги собираат парите од возачите, но дали и самите патишта се така добро средени?
На многу места има дупки, има и многу нерамнини, па кога возиш на автопат се чуствуваш како да си во чамец. Исто така на многу места на автопатиштата недостига потребната сигнализација, а има и многу делници каде одроните се вообичаена работа, а тоа не се решава трајно туку интервентно. И заштитната мрежа за да не влезат животни на патиштата е на места искината.
На социјалните мрежи не ретко се појавуваат фотографии од искинати гуми на возачи од патишта каде тоа не би смеело да се случи или од други инциденти. Надлежните се на потег и за сето ова да го среди, а не најмногу од енергијата да трошат кога собираат патарини. Да, нешто се сработува, но треба постојано да се наоѓаат местата каде е нужна поправка и тоа итно да се прави. Впрочем за одржување на патиштата граѓаните плаќаат не само со патарини, туку и по други основи.
Додади Коментар