Во Владата денеска ќе се одржи свечена седница по повод 25-годишнината од потпишувањето на Охридскиот рамковен договор.
На свечената седница, која ќе се одржи во Свечената сала на Владата, ќе се обратат првиот вицепремиер и министер за европски прашања Беким Сали и вицепремиерот и министер за транспорт Александар Николоски.
Настанот ќе може да се следи во живо преку официјалните профили на Владата на „Фејсбук“ и „Јутјуб“.
Охридскиот рамковен договор беше потпишан на 13 август 2001 година во Скопје, по повеќемесечни преговори кои се одвиваа во Охрид. Со потпишувањето беше отворен процесот за политичко и институционално надминување на кризата од 2001 година.
Денеска, четврт век подоцна, годишнината од потпишувањето ќе биде одбележана со свечена седница на Владата.
