„Продолжуваме со разобличување на лагите на Орце Ѓорѓиевски – човекот кој по четири години неуспешно управување со Кисела Вода, сега сака да ја прошири својата неработа кон цело Скопје. Неговите најголеми невистини се дека има „90% реализација на програмата“, објави денеска на прес-конференција на Емил Николовски од СДСМ.
Од опозициската партија обвинија дека Ѓорѓиевски ветувал „Туристичко Драчево“, ревитализација на старата чаршија, уредување на пешачки зони и културна понуда за развој на домашен туризам, но за четири години, населбата останала во запуштена состојба, без ниедна реконструирана фасада, без осветлување, без сигнализација, без туристичка понуда.
„Ѓорѓиевски ветуваше субвенции и проекти за изградба на зелени покриви на јавни и станбени објекти, како дел од борбата против загадувањето и урбаната топлинска изолација. Не само што не е имплементиран ниту еден зелен покрив, туку не постои ниту еден јавен повик“, кажаа од СДСМ.
МОЖЕБИ ЌЕ ВЕ ИНТЕРЕСИРА: