Поранешниот француски претседател Никола Саркози денес официјално ја започна петгодишната затворска казна поради нелегално финансирање на својата претседателска кампања со средства од покојниот либиски лидер Моамер Гадафи.
Саркози утрово пристигнал во затворот во придружба на сопругата Карла Бруни и нивната 11-годишна ќерка Џулија, во сцена што ја следеле бројни медиуми и граѓани. Од својот дом, Саркози излегол држејќи ја Карла за рака, додека толпа поддржувачи скандирала неговото име и ја пеела француската национална химна.
View this post on Instagram
Пред да замине, двојката им се заблагодарила на присутните за поддршката, по што поранешниот претседател влегол во автомобил кој го однел во затворот каде ќе ја издржува казната. Карла Бруни, облечена во темно палто и видливо потресена, со солзи во очите го испратила сопругот до последниот момент.
View this post on Instagram
Според француските медиуми, Саркози ќе биде сместен во посебно одделение резервирано за затвореници на кои им е потребна дополнителна заштита, без никакви преференцијални услови. Можно е да биде изолиран од останатите затвореници, со цел да се гарантира неговата безбедност.
Ова е првпат во современата француска историја поранешен претседател да започне со издржување на реална затворска казна, што го означува драматичниот пад на еден од најмоќните политичари во Франција.
Фото: Принтскрин/Instagram
