Можност за смирување на трговските тензии меѓу двете најголеми светски економии најавија американскиот претседател Доналд Трамп и кинескиот, на состанокот кој само што заврши во јужнокорејска воздушна база во градот Бусан. Ова е нивна прва директна средба по 2019 година.
Средбата, која се одржа на маргините на Самитот на азиско-пацифичката економска соработка (APEC), траела речиси два часа. По завршувањето, Трамп лично го испратил Си Џинпинг до неговиот автомобил, пред да биде свечено испратен со црвен тепих на аеродромот.
На почетокот на разговорите, Си му порача на Трамп, преку преведувач, дека е „нормално двете водечки економии во светот повремено да имаат триења и несогласувања“.
„Ќе имаме многу успешна средба, во тоа не се сомневам. Но, тој е многу тежок преговарач,“ изјави Трамп, додавајќи дека постои можност двајцата лидери да потпишат нов трговски договор.
Неколку дена пред оваа средба, трговските преговарачи на двете земји постигнале „основен консензус“ за решавање на клучните меѓусебни прашања, потврди кинескиот претседател Си Џинпинг.
.@POTUS shakes hands with China's President Xi after their historic meeting in South Korea. pic.twitter.com/O3DOxWIJ7d
— Rapid Response 47 (@RapidResponse47) October 30, 2025
President Donald J. Trump meets with Chinese President Xi Jinping in South Korea.
"I think we're going to have a fantastic relationship for a long period of time, and it is an honor to have you with us." pic.twitter.com/ISpVBzkvN3
— The White House (@WhiteHouse) October 30, 2025
