Москва синоќа била цел на напад со десетици беспилотни летала, изјави градоначалникот Сергеј Собјанин, кој појасни дека руската противвоздушна одбрана срушила 34 украински дронови кои летале кон главниот град.
Руското Министерство за одбрана соопшти дека во текот на ноќта биле пресретнати вкупно 193 дронови, меѓу кои 40 над Московската област. Министерството потврди дека 34 од тие летала биле насочени кон главниот град. Поради заканата од дронови, московските аеродроми Домодедово и Жуковски привремено го прекинаа работењето.
Според руските Телеграм канали, експлозии биле забележани во повеќе делови на градот и околните региони. Засега нема извештаи за жртви, а градоначалникот Собјанин изјави дека итните служби се испратени на сите локации каде што паднале беспилотни летала.
Синоќа избувнал и пожар во складиште за нафта во Серпухово, во Московската област. Локалните власти не ја открија причината за пожарот, наведувајќи само дека тој е изгаснат.
Украинските власти не ги коментираа нападите. Киев редовно користи дронови со долг дострел за напади врз воени и индустриски цели во Русија, како што се рафинерии и фабрики за оружје. Сличен напад со 34 дронови врз Москва беше забележан и на 22 септември.
Moscow region. Oil depot 🔥 pic.twitter.com/GzBnyUG9lE
— Kate from Kharkiv (@BohuslavskaKate) October 26, 2025
МОЖЕБИ ЌЕ ВЕ ИНТЕРЕСИРА