Ужас во Мексико: Во пожар во маркет загинаа 23 луѓе, има и деца

Во пожар што синоча избувнал во маркет во северозападниот мексикански град Ермосиљо загинале 23 лица, а десетина се повредени, пренесуваат локалните медиуми. Меѓу загинатите има и деца, а претпоставките се дека повеќето загинале од вдишување на чад.
„Мое искрена сочувство до семејствата на оние кои ги изгубија животите“, напиша на платформата X претседателката на Мексико, Клаудија Шеинбаум, без да го наведе точниот број на жртвите во пожарот. Претседателката напиша и дека го овластила министерот за внатрешни работи да ја вклучи сојузната полиција за да испрати тимови за помош на семејставата на настраданите.
Градоначалникот на Ермосиљо потврдил дека бројот на жртвите е голем и дека наложил темелна истрага, а шефот на локалната пожарникарска служба нагласил дека уште не е позната причината за пожарот.
Ермосиљо е град во сојузната мексиканска држава Сонора и има над 850.000 жители.