Уличните кучиња стануваат сè поголем проблем за скопјани, а нови случаи на напади и агресивно однесување се пријавуваат во Ѓорче Петров и Кисела Вода.
На улицата „Македонска војска“ во Ѓорче Петров жителите алармираат дека четири кучиња подолг период трчаат и напаѓаат минувачи, велосипедисти и моторџии. Еден жител, обидувајќи се да се одбрани од
кучињата, паднал и го скршил зглобот на неколку места, по што бил опериран и му биле поставени две плочки.
Проблем има и во Кисела Вода, каде утрово чопор кучиња тргнал кон две мајки со бебиња во колички, кои за среќа успеале да се одбранат.
Жителите се особено загрижени бидејќи кучињата се движат во близина на училиште, две детски градинки и паркот „Фредерик Шопен“, каде секојдневно има голем број деца и родители.
Граѓаните од двете населби бараат итна реакција од надлежните служби и трајно решение на проблемот пред да се случи инцидент со уште потешки последици.
