Училиштето „Гоце Делчев“ во Илинден добива доградба со нов објект, со што значително се зголемува капацитетот на училиштето. Новиот објект ќе има површина од над 900 квадратни метри на два ката, со 10 училници, шест тоалети, наставничка канцеларија и лифт за лица со попреченост.
Со оваа инвестиција ќе се овозможи над 1.000 ученици да ја следат наставата во една смена, што ќе ги подобри условите за учење. Проектот е дел од напорите за модернизација на образованието и создавање современа и инклузивна училишна средина.