Утрово продолжија интензивните претреси на повеќе локации низ државата во рамки на акцијата за сузбивање на илегален увоз и дистрибуција на медицински средства наменети за естетски зафати.
Вчера Основното јавно обвинителство за гонење организиран криминал и корупција започна координирана акција заедно со припадници на МВР при што е сузбиена организирана криминална група инволвирана во извршување на повеќе кривични дела –– злосторничко здружување, повреда на права од индустриска сопственост и неовластена употреба на туѓа фирма и примање поткуп.
Обвинителството соопшти дека досега се обезбедни повеќе лица, некои вработени како доктори на скопските клиники и се сопственици на дерматолошки ординации, а се очекува дека претресите на повеќе локации во Скопје, Струмица и Битола ќе доведат до нови апсења на инволвирани во нелегалниот бизнис со ботокс и филери.