Вчера вечер на подрачјето на Кисела Вода, полицијата уапси 39-годишен скопјанец, поради тоа што при извршен претрес во неговиот дом, со судска наредба, било пронајдено и одземено поголемо количество муниција како и наркотици.
Полицијата при претресот пронајде 165 куршуми, 56 ловни патрони, една кутија со каписли, осум кеси олово во зрно различна големина, две кеси и две шишенца со барут, 32 патрони, разновиден алат за полнење на муниција, една кутија со 12 кугли за патрони, една кеса со бела грутчеста материја и една кеса со прашкаста материја.
Покрај тоа, тој од својата викенд куќа во скопско Морани, доброволно предал два ловни карабини, 58 ловни патрони, шест куршуми долго зрно и 50 куршуми кратко зрно.