Американскиот претседател Доналд Трамп најави одмазда против Иран по иранскиот ракетен напад врз американските сили во Јордан. Во телефонски разговор за „Фокс њуз“, Трамп изјави дека САД „жестоко ќе го удрат“ Иран и дека ќе има одговор на нападот.
Според американски извори, Иран истрелал најмалку осум балистички ракети, а американската противвоздушна одбрана ги пресретнала сите освен една, за која било проценето дека нема да погоди значајна цел. Иранскиот напад следуваше по американскиот удар врз ракетни лансери на Иранската револуционерна гарда на островот Ларак.
Американската Централна команда соопшти дека лансерите биле подготвувани за операција поврзана со поставување нови морски мини во Ормускиот Теснец и дека нападот бил „ограничена и прецизна акција“. Трамп сепак не ја исклучи целосно можноста за преговори, наведувајќи дека Техеран сака средба, но дека не е сигурен дали може да се постигне договор. Американскиот претседател оцени и дека санкциите сè посилно го погодуваат Иран, додека Техеран засега не покажува знаци дека е подготвен да ја промени својата политика.
