Две млади скопјанки биле приведени вчера вечер во центарот на Скопје, откако, според полицијата, го нарушиле јавниот ред и мир со меѓусебна физичка пресметка, информира Министерството за внатрешни работи.
Од МВР соопштија дека на 14 септември околу 19:50 часот, на подрачјето на Општина Центар, полициски службеници од СВР Скопје ги лишиле од слобода С.Р. (26) и В.А. (24), двете од Скопје.
Полициските службеници интервенирале по претходна пријава за нарушување на јавниот ред и мир, при што било утврдено дека двете жени физички се пресметувале.
Според полицијата, тие агресивно се однесувале и кон полициските службеници додека ги извршувале службените дејствија.
При извршениот преглед кај В.А. бил пронајден остар предмет.
Од МВР наведуваат дека по целосното документирање на случајот ќе биде поднесена соодветна пријава.
