Активиран е системот за испраќање СМС пораки за итни случаи до граѓаните поради леден дожд што се очекува од 5 до 7 јануари во Срем, Белград, Јужен Банат, Поморавље, источна, западна и делови од југозападна Србија соопштува српскиот хидрометеоролошки завод (РХМЗ).
Тие наведуваат дека се очекуваат многу опасни услови за возење во наведените подрачја и ги советуваат граѓаните да не тргнуваат на пат без поголема потреба како и да се подготват за можни прекини во снабдувањето со електрична енергија.
Според се очекува формирање или зголемување на снежната покривка да биде од 10 до 20 сантиметри. Градскиот превоз во Белград се одвива со големи проблеми.
ЈП „Патишта на Србија“ апелира до сите учесници во сообраќајот да не тргнуваат на пат без задолжителна зимска опрема, а доколку тргнат на пат да бидат особено внимателни поради лоши временски услови, да ги почитуваат ограничувањата на брзината и да го прилагодат своето возење на условите на патот. Засега автопатиштата и сите државни патишта од прв и втор ред, како и приодите кон граничните премини и планинските центри се проодни за сообраќај.
Исто така авиокомпанијата Ер Србија објави дека снежните врнежи може да имаат влијание врз авиосообраќајот.
