По неколкудневното променливо време, денеска во Македонија ќе преовладува сончево време со мала до умерена локална облачност. Ќе дува слаб до умерен ветер од западен правец, кој во западните делови од земјата повремено ќе биде засилен.
Во Скопје се очекува претежно сончево време со мала до умерена облачност и слаб ветер од променлив правец.
Според прогнозата, од утре ќе започне постепено затоплување. Под влијание на јужно воздушно струење, дневните температури ќе бидат над просекот за овој период од годината.
Промена на временските услови се очекува од среда, кога ќе има променливо облачно време со повремени локални врнежи од дожд со различен интензитет.
Во наредните денови ќе дува умерен до засилен јужен ветер, а во среда и четврток во западните делови од земјата повремено ќе достигнува брзина поголема од 80 километри на час.
