Со посакување добро утро на сите, освен на пратениците, од страна на претседателот на ССМ, Слободан Трендафилов, денеска се одржа протест со блокада на двата приоди кон Собранието.
Тој порача дека денешниот протест на ССМ треба да ги засрами сите, особено 120 избрани пратеници кои, како што додаде, уште на денешната собраниска седница треба да предложат зголемување на минималната плата од 600 евра и зголемување на сите останати плати за најмалку 6 000 денари.
„Моите информации се дека голем дел од пратеници станале рано утрово, за да дојдат пред девет часот на работа, за да не се соочат со работниците на улица затоа што се срамат од нив”, рече претседателот на ССМ, Трендафилов.
Најавите од работниците се дека блокадите и протестите ќе продолжат се додека не се исполнат нивните барања.
