Шаховски фестивал „50 години ШК Алкалоид“ на 4 и 5 април во Скопје

Шаховски фестивал „50 години ШК Алкалоид“ ќе се одржи на 4 и 5 април во хотелот „Континентал“ во Скопје, по повод јубилејот на клубот. Во рамки на фестивалот ќе се одржат два турнира – блиц и рапид шах, со учество на голем број играчи.

Предвиден е и награден фонд, а награди ќе добијат најдобрите шахисти, како и посебни категории учесници. Фестивалот е дел од одбележувањето на 50 години од постоењето на Шаховскиот клуб „Алкалоид“, еден од најуспешните во земјата. Организаторите очекуваат голем интерес и учество, со оглед на угледот на турнирите во регионот.