Епидемијата на ебола во Демократска Република Конго и натаму е сериозна, а постојат и пропусти во системот за превенција и контрола на заразата, предупреди Африканскиот центар за контрола и превенција на болести. Иако во последните две недели е забележан благ пад на бројот на заразени, Africa CDC оценува дека сè уште нема доволно податоци за да се заклучи дека врвот на епидемијата е поминат.
Конгоанскиот министер за здравство Самуел Роже Камба претходно изјави дека има охрабрувачки знаци и дека ширењето на вирусот постепено забавува. Од Africa CDC, сепак, предупредуваат дека овие оценки се темелат на нецелосни податоци и дека преносот на вирусот не е постојано контролиран во сите погодени области.
Генералниот директор на агенцијата Жан Касеја посочи дека е потребен траен пад на бројот на нови случаи пред да може да се оцени дека најтешката фаза е завршена.
Тој го поздрави намалувањето на бројот на заразени во источната провинција Итури, но нагласи дека ситуацијата во земјата и натаму останува сериозна.
