СДСМ со обвинување за тендер на „Македонска пошта“ доделен на фирма блиска до ЗНАМ, од поштата укажаа дека обвинувањата се неточни

Опозицискиот СДСМ обвини дека „Македонска пошта” доделила тендер вреден 1,2 милиони евра на компанија блиска до партијата „ЗНАМ”.

Тие велат дека тендерот е договор за чистење и хигиенско одржување со компанија која нема вработени, нема претходно склучени договори и нема искуство.

„Македонска Пошта” реагираше одговарајќи дека обвинувањата на СДСМ се неточни, тенденциозни и политички мотивирани.